أحمد فؤاد نجم
والتوزيع مقتبس من Luny Tunes
وللأسف مغنّيها بصوتى المعفن
____
يا شعبي حبيبي يا روحي يا بيبي يا حاطك في جيبي ياابن الحلال
يا شعبي يا شاطر يا جابر خواطر يا ساكن مقابر وصابر وعال
يا واكل سمومك يا بايع هدومك يا حامل همومك و شايل جبال
يا شعبي اللي نايم وسارح وهايم وفي الفقر عايم وحاله دا حال
أحبك محشش مفرفش مطنش ودايخ مدروخ وآخر انسطال
أحبـك مكبـر دماغـك مخـدر ممشـّي امورك كدة باتكال
وأحب اللي ينصب وأحب اللي يكذب وأحب اللي ينهب ويسرق تلال
وأحب اللي شايف وعارف وخايف وبــالع لســانه وكاتم ما قال
وأحب اللي قافل عيونه المغفل وأحب البهايم وأحب البغال
وأحب اللي راضي وأحب اللي فاضي وأحب اللي عايز يربي العيال
وأحب اللي يائس واحب اللي بائس و احب اللي محبط وشايف محال
واحبك تســـافر وتبعد تهاجــر وتبعت فلوسك دولار أو ريال
واحبك تطبـّل تهـلل تهبـّـل عشان ماتش كورة وفيلم ومقال
واحبـك تأيــّد تعضّـد تمجّــد توافق تنافق وتلحس نعال
تحضّر نشـادر تجـمّع كوادر تلمـّع تقمـّع تظبـّط مجـال
لكن لـو تفكـّر تخـطط تقـرر تشغللي مخك وتفتح جدال
وتبدأ تشاكل وتعمل مشاكل وتنكش مسائل وتسأل سؤال
وعايز تنور وعايز تطور وتعمللي روحك مفرد رجال
ساعتها هاجيبك.. لايمكن أسيبك وراح تبقى عبرة وتصبح مثال
هابهدل جنابك وأذل اللي جابك وهيكون عذابك دا فوق الاحتمال
وامرمط سعادتك واهزأ سيادتك واخللي كرامتك في حالة هزال
وتلبس قضية وتصبح رزية وباقي حياتك تعيش في انعزال
__________
ملحوظة: أنا ماليش فى لعبة السياسة ، لكن لو هاتحبس بتهمة الهرتلة تبقى فعلاً البلد كوسة!!!
مَهو كل الناس بتهرتل!!!
هناك 10 تعليقات:
أول حاجة عاااااااااالى الشغل ده يا موحة بيه
تانى حاجة مش هقول لك انا مين بس اكيد هقابلك اجلا او عاجلا وساعتها اوعدك حاجات كتير اوى هاتتغير
استمر بلاش كسل
إلى رقم صفر الذى لا يعرفه أحد...
شكراً ياريس على المتابعة وعلى رأيك فى الأغنية..
أنا كده كده مستمر ومش مكسل ، بس إنت ميييييييييين؟؟؟؟
الراجل بيقولك فى حاجات كتير اوى هتتغير
يباه الاخ فامن الدوله
حلوه يا موحه الاغنيه ...الا مين موحه دا؟
المهم هى حلوه بجد...دا بغض النظر عن صوتك يعنى:D وانت عارف طبعا انى بحب فؤاد نجم فحاجه حلوه جدا انك تفكر تعمله حاجه...وبالذات شعبى حبيبى...عشان تروح فحدييييييييييد ونخلصص منك يا موحه....
ولاء
شكراً يا وباء... قصدى يا ولاء!!
على الرد المشجع ده...
وبالنسبة لأمن الدولة ماتقلقيش...
أنا كل يوم قبل النوم بغنيلهم بلادى بلادى ووطنى حبيبى ومصر يا أول نور فى الدنيا وأوقات بوس الواوا كمان!!!!
على أى حال هاتخلصى منى قريب جداً...
بس قولى يارب!!
يارب :D
ana waba2 ya teeet
maaashy
أهو إنتى اللى تيت وستين تيييييييييييت!!!
جميلة اوى بس لو حبسوك خد بالك مش هاجى اضمنك
مين وباء دى ياواد ياموحة؟ هه
طول عمرك واطى ياجميل!!!
وعلى أى حال لو حبسونى هاجيبك فى رجلى بأى تهمة...
ندالة بندالة بقى.. (-:
وانتى مالك يا اشرقت انا وموحه حرين سوا!!!!!!!!!!!!!!!
ههههههههه
بنتى وبنت اختـى بيتخانقوا مع بعض..
ربنا يجيب العواقب سليمة.......
إرسال تعليق